Napamatud-an gihapon sa mga surveys nga nagpadayon ang pagtaas sa net satisfaction ug trust rating ni Bise Presidente Sara Duterte tungod sa iyang kalig-on sa masa.
Gitin-aw ni Engr. Dioric M. Gavino, co-convenor sa DDS Sara All Confederation, nga ang kusog sa bise presidente naggikan gayud sa ordinaryong mga Pilipino.
Hinoon, sama sa iyang amahan nga si kanhi Presidente Rodrigo Roa Duterte, wala usab nagsalig ang bise presidente sa mga politiko sama sa mga kongresista o mga senador.
Hisayran nga bisan nagkaduol na ang impeachment ni VP Sara, daghan ang nagpanikad nga mahibaw-an ang kamatuoran luyo sa bug-at nga mga akusasyon nga gihansak sa 2 impeachment complaints nga iyang gi-atubang.
