Ang Bombo Radyo Philippines giila isip Best Radio Network sa prestihiyosong Pro Patria Journalism Awards, usa ka programa sa pagkilala nga ginapresentar matag tuig sa Rotary Club of Manila.
Gihatag ang pasidungog atol sa pagsaulog sa Rotary Club of Manila sa Adlaw sa Kagawasan sa Pilipinas niadtong Hunyo 11, 2026 sa Makati City.
Sa citation, giila sa awards committee ang dugay na nga komitment sa Bombo Radyo Philippines sa paghatag sa kasaligan nga balita, impormasyon, ug serbisyo publiko alang sa mga Pilipino sa tibuok nasud.
Nalatid sa pag-ila nga ang Bombo Radyo Philippines nagpabilin nga usa sa labing kasaligan nga tinubdan sa balita ug impormasyon ug giila usab ang kusog nga presensya niini sa mga probinsya ug community-focused nga mga programa nga kanunay naghatag timely nga balita ug serbisyo publiko alang sa mga ordinaryong Pilipino.
Gipasidunggan usab ang importanteng papel sa Bombo Radyo panahon sa mga bagyo, katalagman, ug emerhensya, diin ang mga estasyon niini nagtabang sa paghatag og impormasyon ug kaluwasan sa mga komunidad.
Sumala sa citation, ang Bombo Radyo Philippines nakatukod og dungog sa serbisyo publiko ug tinuod nga pagtagad sa mga komunidad nga iyang gialagaran, nga naghatag kaniya og hingpit nga katarungan sa maong pagkilala.
