Milikay na sa pagtubag ang lead counsel sa private prosecutors nga bulontaryong nagsuporta sa House Prosecution Panel alang sa nagkaduol nga impeachment trial ni Vice President Sara Duterte.
Sa gilusad nga pagpa-ila-ila sa unang batch sa private prosecutors, mi-ingon ang beterana nga abogada nga si Lorna Kapunan nga “wait and see” nalang ang publiko sa ilang detalye kalabot sa isyu sa pag-preserve sa mga ebidensya, lakip na ang pagkuwestiyon kung adunay bay safehouses ang mga testigo sa kaso batok ni VP Duterte.
\Si Atty Kapunan miingon nga dili pa angay ipahibalo sa publiko ang ilang mga lakang aron maprotektahan ang integridad sa proseso. Gipasabot usab niini kung unsa ka sensitibo ug delikado ang mga ebidensya kuyog ang testimonya nga gisalig sa prosekusyon kanila.
