Gikompirmar ni Cybercrime Investigation and Coordinating Center (CICC) Undersecretary Robert Aboy Paraiso nga miligid na ang ilang imbestigasyon, kauban ang Cybersecurity Bureau sa Department of Information and Communications Technology (DICT) kalabot sa insidente sa defacement o pagmanipular sa Senate Website.
Sa eksklusibong pakighinabi sa Bombo Radyo, namahayag si Paraiso nga ang Cybersecurity Bureau mao lead agency nga mangunay sa masusing pagrebyu sa hitabo, aron masiguro nga protektado ang website sa gobyerno.
Human niini, ayha pa musulod ang mga imbestigador sama sa CICC aron masuta ang tinuod nga nahitabo.
Target sa imbestigasyon kung kinsang grupo o mga indibidwal ang anaa sa luyo sa defacement.
Una niini, mikatag sa social media nga gi-hacked kono ang website sa Senado sa mismong adlaw sa Kaugalignan sa Pilipinas.
Kritikal kini nga hitabo batok gobyerno nga nagpalig-on sa digital infrastructure ug nagpakusog sa kampanya sa cyber attacks.
