Nagbuga sa abo ang Bulkang Kanlaon karong buntag, Hunyo 13, 2026. Ang aso misaka sa gitas-on nga 600 metros gikan sa baba sa bulkan.
Bisan pa sa pag-alburuto, nagpabilin kini sa Alert Level 2, segun sa Philippine Volcanology and Seismology (PHIVOLCS).
Kini nga kalihukan nagpasabot nga adunay “moderate” nga aktibidad ug posible nga aduna pay musunod nga mga mga “eruptions”. Gipahimangnoan gihapon ang publiko nga dili mosulod sa 4-kilometer radius Permanent Danger Zone tungod sa peligro sa kalit nga pagbusikad sa bulkan, ug paglugwa sa mga bato.
Hisayran nga ang pagbugah sa abo nakapahimo’g kabalaka sa mga komunidad nga duol sa bulkan, ilabi na sa mga residente sa Negros Oriental ug Negros Occidental.
Padayong gimonitor sa mga otoridad ang pag-alburuto sa bulkan ug gi-awhag sa katawhan nga mag-igmat ug sundon ang mga abiso gikan sa PHIVOLCS.
