Gipahinumdoman sa usa ka eksperto ang kamahinungdanon sa pagbalik-lantaw sa atong kasaysayan.
Sumala ni Roy R. Molina, usa ka History and Political Science Instructor gikan sa Davao del Sur State College, ang tinuod nga kahulogan sa kagawasan anaa sa paghigugma sa yutang natawhan ug sa panaghiusa isip usa ka katawhan.
Gipasabot ni Molina nga isip mga manununod sa kagawasan, dako nga pribilehiyo ang atong natagamtaman karon apan dako usab kini nga responsibilidad.
Dugang pa niya, makab-ot lamang ang tinuod nga kagawasan sa usa ka katilingban kung ang matag usa adunay kahigayonan nga molambo ug mabuhi nga may dignidad.
Sa katapusan, iyang gipasiugda nga kini naghatag usab og katungod sa matag lungsoranon alang sa gawasnon ug kritikal nga pagpadayag sa ilang panghunahuna
