Gipahayag sa CEO sa TSMC nga si C.C. Wei nga ang labing dako nga kakuwangon sa ilang kompanya karon mao ang mga hanas nga trabahante ug talento.
Gawas sa labor, nabalaka usab ang labing dako nga tiggama og chip sa kalibutan tungod sa hulga sa kakuwang sa tubig nga gikinahanglan sa ilang produksyon.
Kini nga problema kabahin sa gitawag sa industriya nga “five shortages” o lima ka kakuwangon sa Taiwan, mao ang tubig, kuryente, mamumuo, yuta, ug talento.
Bisan pa niini, gipasalig sa kagamhanan sa Taiwan nga duna na silay mga plano sa pagsumpay sa mga reservoir aron masulbad ang suplay sa tubig sa umaabot.
Mahibaloang bisan nagtukod og mga pabrika ang TSMC sa Amerika, gipamugos sa kompanya nga ang dakong bahin sa ilang produksyon ug research pabilin gihapon sa Taiwan. (riza budlao)
