Pag-ampo ang tubag, dungan sa konretong aksyon aron malikayan ug maminusan ang epekto sa mga dili matagna nga katalagman nga muabot sa Pilipinas.
Kini ang gi-apelar ni Fr. Derjohn Faborada, sa Social Communication Apostolate sa Archdiocese of Cagayan de Oro, sa Bombo Radyo.
Alang kang Faborad, dili angay husgahan ang mga biktima sa kalamidad kay dili man matagna ang umalabot nga paglinog itande sa mga umalabot nga bagyo ug uban pang natural nga kalamidad, ug mga kalamidad nga hinimoan sa tawo.
Iyang gihangyo sa mga Kristiano nga likayan ang pagsaway ug pagpamasol sa mga panahon nga mas gikinahanglan ang pagtinabangay ug panahi-usa.
Gihupay sa Archdiocese of Cagayan de Oro ang kalabaka, kasagmuyo, kahadlok ug kapait nga gibati sa mga biktima kay kabahin sila sa walay katapusan nga panalangin aron malamdagan ang ilang huna-huna ug kasing-kasing sa mga dili ti-aw nga pagsulay dungan sa pagpangamuyo sa Kahitas-an nga sila hatagan sa taas nga pagsalig sa katawhan, sa gobyerno, ug sa ilang mga pamilya aron padayon nga manginabuhi sa kalibutan kay ang pagsulay lumalabay lamang
