Gihingusgan sa Cybercrime Investigation and Coordination Center (CICC) ang pagpakusog sa mga security features sa tanang website sa gobyerno aron hingpit nga mapugngan ang mga pag-atake sa mga hacker.
Giila ni Usec. Renato “Aboy” Paraiso nga usa ka dako nga hagit ang pagbalanse sa seguridad ug ang pagpabilin nga accessible sa mga online services alang sa publiko.
Gibutyag sa ahensya nga ang kadali sa pag-access sa impormasyon naghatag usab og mga “entry points” nga dali ra mapahimuslan sa mga dautang elemento.
Naglaraw karon ang CICC og mas lig-on nga mga lakang aron masiguro nga protektado ang data sa katawhan nga dili makompromiso ang kasayon sa paggamit niini.
Gipaniguro sa ahensya nga padayon ang ilang pag-upgrade sa mga teknikal nga depensa batok sa bisan unsang klase sa cyber-threats. (JANE ABULAG)
