Opisyal nga nagpakasal ang kamagwangan nga anak ni Manny Pacquiao nga si Jimuel Pacquiao ug ang iyang kapikas nga si Carolina Pimentel didto sa California.
Gihimo ang pribadong seremonya sa Pechanga Resort Casino nga gitambongan sa ilang pamilya ug suod nga mga higala, ug lakip na ang ilang anak nga si Clara.
Human sa kasal, gipahigayon ang reception sa Europa Village Wineries & Resort diin gisayaw ni Jimuel ang iyang inahan nga si Jinkee ug giharana usab ang magtiayon ni The Voice USA champion Sofronio Vasquez III.
Hisayran nga wala usab nakatambong ang igsoon ni Jimuel nga si Michael Pacquiao tungod kay duna kini giasikaso nga relief operations isip konsehal sa General Santos City human sa nahitabong kusog nga linog sa Mindanao. (riza budlao)
