Magpabilin sa ilawom sa heightened security measures ang Senado aron masiguro ang kaluwasan sa mga empleyado ug sa tibuok institusyon taliwala sa mga nadawat nga hulga.
Matod ni acting Senate President Sherwin Gatchalian, kini nga lakang maoy rekomendasyon sa Armed Forces of the Philippines (AFP) ug Philippine National Police (PNP) human sa ilang gihimo nga tigom uban ni Senator Ping Lacson ug kanhi SP Tito Sotto.
Padayon ang pakig-alayon sa Senado ngadto sa mga intelligence agency sama sa NICA ug NBI aron sutaon ang mga impormasyon matag semana.
Gawas niini, ipailawom usab sa komprehensibong inspeksyon ang tibuok premises sa Senado isip pagpangandam sa umaabot nga special session ug sa ingong posibleng pagpangatake sa mga armadong grupo.
Gihatagan usab sa importansya ni Gatchalian nga katungdanan niini nga magmabinantayon aron masiguro nga luwas ang tanan batok sa bisan unsang peligro.
