Misaka sa 12% ang premyom sa stocks sa Intel niadtong Huwebes human gipahayag ni Presidente Donald Trump nga makig-alayon ang Apple sa maong kompanya alang sa disenyo ug produksyon sa ilang mga chip didto sa US.
Ang maong kasabutan dako og ikatabang sa pagpabalik sa maayong dagan sa negosyo sa Intel ug gilauman nga mosiguro kini sa makanunayong demand gikan sa tiggama sa iPhone aron magukod ang karibal niining TSMC.
Alang sa Apple, kini nga lakang makatabang sa pagpalapad sa ilang gigikanan sa manufacturing ug magdugang og suplay sa chip tungod kay nagkapuliki karon ang TSMC sa pag-atiman sa uban pang dagkong kliyente sama sa Nvidia ug AMD.
Sumala pa ni Trump, kini maoy labing tinguha sa iyang administrasyon sa pagtabang sa Intel, diin ang kagamhanan sa US adunay 10% nga stake, isip kabahin sa ilang paningkamot nga mapalig-on ang supply chain ug makunhuran ang ilang pagsalig ngadto sa nasod sa China. (riza budlao)
