Gitin-aw ni Senate President Sherwin Gatchalian nga dili pa hingpit nga sigurado kung si Senador Chiz Escudero ba ang mangulo sa impeachment trial batok kang Bise Presidente Sara Duterte.
Sumala ni Gatchalian, pagasabutan pa kini sa mayorya nga mga senador sa mosunod nga mga adlaw, bisan pa man sa pagbutyag ni Senador Ping Lacson nga si Escudero ang napili sa ilang pundok tungod sa kaalam niini sa balaod.
Sa pagkakaron, gipasabot sa Senate President nga siya pa gihapon ang kinahanglang mo-preside subay sa kasamtangang mga patakaran sa impeachment court.
Samtang, si Senador Jinggoy Estrada dili na usab makasalmot isip senator-judge tungod sa iyang preventive suspension.
Bisan pa man sa petisyon sa kampo ni Senador Alan Peter Cayetano sa Korte Suprema batok sa bag-ong reorganisasyon sa Senado, gipahayag ni Gatchalian nga magpadayon ang ilang trabaho ug ang proseso sa impeachment hangtod walay giluwat nga temporary restraining order (TRO). (riza budlao)
