Gisulayan ug patay ang usa ka radio broadcaster samtang padulong sa trabaho sa Barangay Cagay, Roxas City.
Naila ang biktima nga si Jay Lavapiez, usa ka anchorman sa lokal nga FM radio station.
Sumala sa Punong Barangay Arturo Aragon, samtang nagmaneho si Lavapiez sa iyang sakyanan paingon sa trabaho, nakabantay siya sa duha ka lalaki nga nagbarog sa waiting shed sa kilid sa dalan.
Pag-abot sa sakyanan sa lugar, nakita nga murag adunay gidukot ang mga suspek ug pagkahuman, gipusil nila ang iyang sakyanan
Miigo ang bala sa pultahan sa sakyanan ug usa pa ka bala ang mituhog sa driver’s seat diin naglingkod ang biktima, apan milagro nga wala siya maigo bisan pa sa upat ka pagpabuto
Subay sa basyo nga narekober, giingon nga 9mm nga pusil ang gigamit sa insidente.
Wala gisalikway ni Lavapiez nga posibleng may kalabotan sa iyang trabaho ang tangkang pagpatay.
Padayon ang imbestigasyon sa kapulisan aron matino ang identidad sa mga suspek ug ang motibo sa pamusil.
