Nasiguro sa Bosnia and Herzegovina ang ikatulo nga pwesto sa Group B human nila gipukan ang Qatar sa iskor nga 3-1 karong adlawa, huwebes, oras sa Pilipinas.
Sa duwa sayo nga mipasulod og goal si Kerim Alajbegović, gisundan pa gyud kini sa usa ka own goal sa Qatar gikan sa tira ni Edin Džeko. Bisan tuod nakapuntos og usa ka goal ang Qatar sa wala pa matapos ang unang bahin, wala kini makapugong sa pagpadako sa bintaha ni Ermin Mahmić pinaagi sa iyang pagpuntos sa ika-80 nga minuto sa duwa.
Busa, gumikan sa maong resulta, hingpit nga na-eliminate sa kompetisyon ang Qatar samtang hapit na sab sigurado ang pag-abante sa Bosnia and Herzegovina paingon sa round of 32.
Nagpabilin karon nga puno sa paglaom ang koponan alang sa sunod nilang mga sangka sa maong torneyo.
