Gibutyag sa tigpamaba sa International Monetary Fund nga si Julie Kozack nga bisan pa og mius-os na ang presyo sa enerhiya ug mga palaliton human sa kasabutan tali sa US ug Iran, gipaabot nga magdugay pa una kini hingpit nga mo-normal.
Kini tungod kay nagkinahanglan pa og igong panahon ang mga dagan sa pamatigayon sa Gulpo aron hingpit nga makabawi gikan sa miaging panagbangi.
Dugang pa ni Kozack, ang benchmark Brent crude oil futures alang sa delivery karong Agosto anaa na lamang sa gibana-bana nga $73 matag baril niadtong Huwebes.
Sa katapusan, giingon ni Kozack nga ang tanan nilang mga pagpanagna nagdepende usab sa pagpabilin sa gipatuman nga ceasefire tali sa duha ka nasod.
