Gika-alarma na sa World Health Organization (WHO) ang report nga misaka pa sa 304 ang patay sa outbreak sa Ebola sa Democratic Republic of the Congo (DRC).
Namahayag ang Ministry of Communications and Media nga sa maong ihap misaka usab ang nagpositibo sa bayrus sa 1,155.
Nagpadala na sa dugang experto ang Europa aron sutaon kung sa unsang pamaagi mas paspas mikuyanap ang labing delikado nga sakit.
Una niini, usa ka French nga doktor ang miresponde sa Ituri province ang gikompirmar nga natakdan.
Siya maoy kauban sa kapin 300 ka tawo nga gi-isolate.
Gipahugtan pa ang mga lagda sa pagbiyahe, diin ang mga health workers ug response teams kinahanglan nga mupailawom sa 21 ka adlaw nga aktibong health monitoring ug dili tugotan sa domestic ug international travel.
Ang outbreak nagsugod niadtong Mayo tungod sa Bundibugyo ebolavirus nga hangtod karon walay lisensyadong bakuna o espesipikong tambal.
