Gipahayag ni Trial Spokesperson ug Lanao del Sur Rep. Zia Alonto Adiong nga daw nahadlok ang defense panel nga maablihan ang BIR box nga naglangkob sa Income Tax Returns (ITR) ni Bise Presidente Sara Duterte ug sa iyang bana nga si Atty. Manases Carpio.
Matod ni Adiong, ang grabeng pagsupak sa depensa sa sayong yugto pa lang sa pagmarka sa ebidensya nagpakita nga dili lang basta smoking gun kon dili mura nag usa ka armory ang maong kahon.
Gidugang pa niya nga ang maong BIR box mahinungdanon kaayo tungod kay kini ang maghatag sa tibuok nga hulagway sa panalapi nga may kalabotan sa SALN ug sa giatubang nga sumbong nga unexplained wealth ubos sa Articles of Impeachment.
Gikatingala sa House Prosecution Panel ang maong lakang ug gihulagway nga daw gusto lang sa depensa nga katunga lang sa kamatuoran ang hisgutan imbes nga atubangon sa direkta ang maong mga pasangil. (riza budlao)
