Padayon nga gibantayan sa Philippine Embassy sa Bogota ang kahimtang sa mga Pilipino sa Colombia aron masiguro ang ilang kaluwasan.
Sa pakighinabi sa Bomyo Radyo ni Atty. Jan Mikhail Solitario, 3rd Secretary ug Vice Consul sa Philippine Embassy sa Bogota, wala pa silay nadawat nga bisan unsang hangyo alang sa tabang gikan sa mga Pilipino sa maong nasod.
Bisan pa niini, gipasalig sa embahada nga abli kanunay ang ilang opisyal nga mga communication channels, lakip ang ilang Facebook page ug email, alang sa mga Pilipino nga nanginahanglan og tabang o impormasyon.
Nagpadayon usab ang embahada sa aktibong koordinasyon sa Department of Foreign Affairs sa Manila aron kanunay nga ma-monitor ug ma-update ang kahimtang sa mga Pilipino sa Colombia.
Giawhag usab niini ang tanang Pilipino sa nasod nga makigkontak dayon sa embahada kung adunay silang mga panginahanglan o kabalaka. (jane abulag)
