Gipahigayon sa Europe ug Canada ang ‘Arctic Sentry’ drills sa Norway nga giapilan sa 30,000 ka mga sundalo aron pamatud-an nga kaya nila depensahan ang amihanang bahin sa NATO.
Ang maong simulated nga kontra-atake gihimo tungod sa paspas nga pagpalapad sa militar sa Russia sa Arctic ug sa hulga ni Donald Trump nga biyaan ang alyansa.
Bisan pa man sa kalamposan sa NATO nga mapugngan ang tinguha ni Trump kaniadto sa Greenland, ang mga eksperto nag-ingon nga dako pa og buhatonon ang alyansa sa pag-apas sa modernisasyon sa Russia.
Sa pikas bahin, gipang-ablihan ug gi-moderno na sa Russia ang ilang mga base militar sa Soviet-era tungod kay ang Arctic ang pinakaduol nga agianan sa ilang mga nukleyar nga missile padulong sa Amerika.
Samtang nagkainit ang sitwasyon, gilauman nga ang isyu sa seguridad sa Arctic ug ang kabalaka sa Greenland maghatag og landong sa umaabot nga NATO summit karong Hulyo sa Ankara. (riza budlao)
