Midawat na sa iyang diploma sa Bachelor of Arts in Music Production ang aktor ug direktor nga si Xian Lim gikan sa De La Salle-College of Saint Benilde pinaagi sa Expanded Tertiary Education Equivalency and Accreditation Program o ETEEAP program.
Garboso niyang gipaambit ang mga hulagway sa iyang graduation nga gipahigayon sa PICC uban ang iyang pamilya.
Sumala ni Xian, dako kini nga garbo alang kaniya tungod kay dugay na niya kining gipangandoy human niya temporaryong giundang ang pag-eskwela kaniadto aron mosulod sa showbiz.
Sa iyang mensahe, iyang gipahinumdoman ang tanan nga ang matag usa adunay kaugalingong saktong panahon sa kinabuhi ug dili angay mawad-an sa paglaum
