Kumpirmadong patay ang 25 ka tawo ug hapit usa ka gatos ang naangol human sa duha ka adlaw nga duguang kagubot tali sa duha ka grupo sa mga priso sa Negombo, Sri Lanka.
Nagsugod ang kagubot niadtong Dominggo tali sa mga pinirisong kombiktado batok sa mga temporaryo pa lang nga nakadetine sa maong pasilidad.
Migrabe pa ang sitwasyon pagka-Lunes sa buntag diin 23 pa ka tawo, lakip ang unom ka opisyal sa prisohan, ang namatay.
Napugos sa pag-responde ang mga kapolisan ug special forces aron pugngan ang maong riot gamit ang mga baton ug posas.
Hisayran nga gidala sa tambalanan ang mga samarang piniriso samtang padayon pang gihinloan sa mga otoridad ang sulod sa maong prisohan.
