Gikumpirma sa kampo ni Bise Presidente Sara Duterte ang iyang pag-abot sa Senado, karong adlawa, alang sa usa ka pribadong tigom uban sa iyang defense team.
Sumala ni Atty. Michael Poa, gikatakdang mag-atubangay ang bise presidente ug ang iyang mga legal teams didto sa holding room aron hisgutan ang mahinungdanong mga detalye sa iyang kaso.
Bisan pa man niini, gitinaw sa iyang tigpamaba nga dili motambong si Duterte sa nakajadwal nga impeachment trial karong hapon.
Gipasabot ni Poa nga ang maong desisyon gumikan sa uban pang mga importanteng commitment ug engagement nga kinahanglang atubangon sa bise presidente.
