Dili mahimong depensa ang “conditional ” o may kondisyon lamang ang gihimong bahad ni Bise Presidente Sara Duterte batok sa kinabuhi sa Presidente, First Lady, ug kanhi Speaker sa Kamara.
Kini ang gibutyag ni Atty. Tony La Viña,kanhi dean sa Ateneo de Manila University School of Government, sa interbyu sa BOMBO RADYO.
Gitin-aw ni La Vina nga ang bisan unsang hulga o bahad isipon gihapon nga usa ka seryosong “threat” ug dili angay ibaliwala.
Nagatuo usab ang kanhi propesor sa balaod nga mas madoot pa sa iyang salaod si VP Sara kay klaro man nga magbahad siya via zoom interview ug mismo si kanhi Presidential spokesperson Atty Harry Roque pa ang nagpost niini niadtong Nobyembre 2024.
Gidugang pa ni La Viña nga aduna nay kaagi o “history of violence” ang pamilyang Duterte didto sa Davao, lakip na ang nahitabong pagpamukpok sa usa ka sheriff kaniadto.
