DAKU ang bentaha sa prosekyuson batok sa depensa sa ikaduhang adlaw sa impeachment hearing ni Vice President Sara Duterte.
Kini ang gipahayag ni Atty. Eddie Cuaresma, kanhi IBP MisOr-CDO Chapter President, sa interbyu sa BOMBO RADYO.
Matod pa niya, kung ibase kini sa usa ka scorecard, mitala na sa duha batok sa usa ang prosekusyon tungod sa ilang haniti ug dinalian nga presentasyon sa mga ebidensya.
Gidayeg usab ni Cuaresma ang kaalam ni Atty. Ligutan, kinsa epektibong mipakita sa lig-ong kredibilidad sa mga eksperto gikan sa NBI sa natad sa cybercrime ug cyber investigation.
Iyang gipasabot nga ang maong eksaminasyon gihimo sa daling masabtan nga pamaagi gamit ang pinulongang Ingles ug Tagalog.
