“A Threat is a threat!”, mao kini ang kusganong baruganan ni Atty. Samson So Tan, usa ka abogado gikan sa Cagayan de Oro, kalabot sa isyu sa conditional threat nga giluwatan ni Bise Presidente Sara Duterte.
Gihatagan og gibug-aton sa maong eksperto nga bisan pa og may kondisyon ang maong pamahayag, kini giisip gihapon nga usa ka krimen ubos sa balaod gumikan kay ang matag hulga sagad nagagikan man gayud sa kondisyon.
Tungod niini, gipadayag ni Atty. Tan nga kini ang mahimong labing lig-on nga article of impeachment nga mahimong gamiton sa prosecution batok sa Bise Presidente.
Apan, samtang nagpadayon ang debate, gilauman nga iparada sa kampo sa opisyal ang depensang mistake of fact aron ipasabot nga gihimo lang kini sa Bise Presidente isip tubag sa gibati usab niyang hulga sa iyang kaugalingong kinabuhi.
