Sa Quezon City, nakarekober ang Quezon City Police District (QCPD) og pito ka piraso sa kalawanging 60 mm High Explosive (HE) M49A2 mortar rounds nga nadiskubre sa usa ka junk shop sa Barangay Bagumbuhay, Project 4 niadtong Hulyo 12, Linggo sa buntag.
Subay sa imbestigasyon, nakit-an kini sa tag-iya sa junk shop samtang nangulekta’g scrap materials nga gikan sa Antipolo City.
Nagtuo ang tag-iya nga aksidente nga nasakay sa trak sa usa sa mga trabahador ang mga live mortar rounds nga gituohan nilang ordinaryong bakal o scrap metals.
Luwas nga gidala ang mga explosibo sa pasilidad sa DECU alang sa husto nga disposisyon.
Walay nareport nga nasamdan sa operasyon nga natapos alas-10:15 sa buntag.
