Gikondena ni Geopolitical Analyst Prof. Lucanus Azrael T. Igot ang AI-generated nga video gikan sa China Daily nga naghulagway sa mga Pilipino isip mga unggoy nga nagsul-ob og Barong Tagalog.
Gihulagway sa maong eksperto ang maong materyal isip usa ka porma sa protestang gihimo sa gobyerno sa China may kalabotan sa desisyon sa arbitral tribunal niadtong 2016 diin midaog ang Pilipinas.
Dugang pa ni Prof. Igot, ang maong caricature giisip sa mga opisyal sa gobyerno, lakip na ang mga diplomat sa Department of Foreign Affairs, nga usa ka dehumanizing ug rasistang buhat.
Bisan pa niini, gipadayag niya nga nagpadayon ang paningkamot sa nasud nga dili ma-overlap sa China ug ubang mga nasud sa Southeast Asia ang teritoryo sa West Philippine Sea.
