They have to bear the risk of penalty! mao kini ang gilantaw ni Atty. Joseph R. Sereño sa Sereño Law Office kung ipamugos nga ipresenta sa prosekyusyon ang mga tax records ni Vice President Sara Duterte.
Giklaro sa abogado nga ubos sa Section 71 sa NIRC rules ang maong mga dokumento mahimo lamang masusi pinaagi sa mando sa Presidente sa Pilipinas ug walay gihisgotan ang balaod kalabot sa kasong impeachment.
Hinuon iyang gitino nga mas daling ipresenta ang mga bank records isip ebidensya tungod kay aduna may gitakdang eksepsyon ang Bank Secrecy Law alang sa maong matang sa paghusay.
Alang kaniya ang pagpugos sa pagpagawas sa mga detalye sa buhis nga walay igong kamandoan mahulog sa usa ka unauthorized disclosure nga magbilin og bug-at nga silot sa mga hingtungdan.
