Wala nagpasabot nga duna nay gahom ang impeachment court sa pagsupak sa mga katungod sa akusado bisan pa og gitawag kini nga extra ordinary constitutional powers matod pa ni Atty. Joseph R. Sereño sa Sereño Law Office.
Gitin-aw sa abogado nga ang pag-usisa sa mga dokumento sa impeachment trial kinahanglan gihapon nga motuman sa prinsipyo sa due process aron mapanalipdan ang konstitusyonal nga katungod sa gikasohan nga opisyal.
Dugang pa niya nga ang balaod naglatid sa duha ka kinahanglanon sa due process nga naglakip sa substantive ug procedural nga aspeto nga kinahanglan magpabiling labaw sa tanan.
Busa alang kaniya ang pagtahod sa maong mga katungod angayan nga hatagan og dakong gibug-aton aron malikayan ang bisan unsang matang sa pagpanghilabot sa mga katungod sa tawong gikasohan.
