Pahinumdom ang gipaabot ni Volt Bohol Presidente sa grupong August Twenty One Movement (ATOM) ngadto sa administrasyong Marcos kalabot sa panawagan niini nga “mahiya naman kayo”, usa ka tuig human kini gilitok ni Presidente Marcos Jr. atol sa iyang miaging State of the Nation Address.
Gipangutana karon sa grupo kon duna na bay konkretong resulta o aksyon nga nahitabo sa maong pagpanawagan ug kon aduna na bay mga opisyal nga mipakita og kaulaw.
Samtang nagkaduol ang umaabot nga SONA, gihatagan og gibug-aton ni Bohol nga nagpadayon ang ilang panawagan alang sa tulubagon sa gobyerno ug pagtuman sa mga gisaad niini sa katawhan.
Sa pagkakaron, nagpaabot ang ATOM og katin-awan bahin sa nahimong kalamboan sa pag-follow-through sa maong pamahayag sa pangulo.
