Giklaro ni Doc. Mark Miso, ang Medical Officer sa DepEd CDO nga wala pa magsugod ang deworming program sa mga pampublikong tulunghaan sa dakbayan samtang nagpaabot pa og pormal nga advisory gikan sa Department of Health.
Subay niini, gipasalig sa maong opisyal nga luwas ang maong mga tablet alang sa mga bata ug ipatuman usab ang hugot nga protocol diin gikinahanglan gyud ang pormal nga consent gikan sa mga ginikanan o guardian.
Dugang pa niini, tambag sa ahensya nga kinahanglan gayud nga busog ang tiyan sa mga bata sa dili pa sila paimnon sa maong tambal aron malikayan ang bisan unsang dili maayo nga reaksyon sama sa pagsakit sa tiyan o pagsuka.
Samtang nagpadayon ang paghulat sa opisyal nga kamandoan, gidasig usab ni Doc. Miso ang mga tunghaan nga mangita og inisyatibo sa pagpangandam sa pagkaon alang sa mga estudyante sa adlaw sa pagpatuman sa maong kalihukan.
