Gipadayag ni Senador Raffy Tulfo nga walay pondo ang Senado alang sa pagkaon sa defense team tungod kay wala kini nakalinya sa opisyal nga badyet ug basin masaway pa sila sa Commission on Audit (COA).
Miingon ang senador nga nahimong pinal ang maong desisyon human sa gipahigayong mini caucus sa majority senators kagabii.
Gitino usab ni Tulfo nga nakatakdang ipadayon ang mga pagpaminaw sa Blue Ribbon Committee sa labing dali nga panahon o posibleng karong Biyernes kung aduna nay bakanteng kwarto.
Bahin sa mga kontrobersyal nga hisgutanan sa Taguig ug sa 18 ka mga bodyguard, andam ang komite nga imbestigar ug moimbitar sa mga nalambigit kung makapasa na sila sa pormal nga affidavit.
