Naguba ang kalipay sa Berlin Pride human misulod ang usa ka puti nga van sa Tiergarten Park nga mikalit sa pagdasmag sa mga tawo, diin usa ang namatay ug 17 ang naangol.
Segun sa gibutyag sa tigpamaba sa kapulisan, ang maong sakyanan nagpadagan sa nahisgutang parke alas 10 sa gabii niadtong Sabado ug nailhan na nila ang usa ka suspetsadong mamumuno nga konektado sa grupong Islamist.
Samtang gipasabot usab sa tigpamaba sa mga bombero nga sa kinatibuk-ang gidaghanon sa mga biktima, walo ang grabe ang samad ug tulo niini ang nagpabiling kritikal ang kahimtang.
Hinuon, padayon ang hugot nga pagpangita ug operasyon sa mga awtoridad batok sa suspek aron madakop ug mapanubag sa maong brutal nga pag-atake.
