Patay ang tulo ka tawo ug upat pa ang samaran, lakip ang usa ka gamayng bata,sa pagpamusil nga nahitabo atol sa Bite of Seattle food festival sa downtown Seattle, Washington sa Amerika.
Gidakop na sa kapulisan ang usa ka suspek samtang gipangita pa ang ikaduhang gituohang nalambigit sa maong insidente, diin giingong nagpinusilay kining duha ka suspek.
Sumala sa Seattle Police Department, duha ka armas ang narekober sa lugar ug padayon pa ang imbestigasyon aron matino ang motibo sa krimen.
Giingon usab sa mga awtoridad nga wala man hinuoy nagpadayon nga hulga ngadto sa komunidad, samtang ang upat ka mga naangol anaa na sa lig-on nga kahimtang sa ospital.
