Grabe ka kulang, balik-balik ug “rehashed” ang unod sa ikalima nga State of the Nation Address (SONA) ni Presidente Ferdinand Marcos Jr. Kini ang reaksiyon sa ekonomista ug kanhi Misamis Oriental Vice Governor Joey Pelaez human niya madunggan ang usa ka oras ug tunga nga report ni Marcos, kahapon.
Alang kang Pelaez, walay nada, ug sama sa walay bag-o nga mga impormasyon nga nadawat ang katawhang Pilipino sa pahayag ni Marcos nga dawsama ra kini nga report sa iyang naglabay nga mga SONA.
Siya miingon nga luoy ang kahimtang sa katawhan tungod sa grabe nga saka sa presyo sa lana ug nag-unang palaliton nga wala masulosyonan sa kasamtangang administrasyon.
Kini ang rason nga gihatagan niyag bagsak nga grado ang SONA ni Marcos, kagahapon.
