Misaka pa sa lima ka tawo ang kompirmadong patay sa pagtay-og sa 7.1 magnitude nga linog sa duha ka lugar sa Japan/
Sa pasiunang report sa Japan Meteorological Agency ang kusog nga linog nabati sa Yatsushiro, kundiin ang ilang mga otoridad mireport sa 3 ka tawo patay.
Apektado usab ang Aeon Mall sa Kumamoto kundiin, 2 ka tawo ang nabangalan sa na-trap sa nahugno nga gambalay.
Miingon ang Health Ministry nga misaka pa sa 387 ka tawo ang nasamdan, lakip na ang 50 sa Hikawa, 54 sa Kashima, 40 sa Uki, 80 sa Yatsushiro, ug 160 sa Kumamoto City.
Ang ihap sa mga namissing mitubo usab sa 24 ka tawo, kundiin 10 niini gitoohang natrap sulod sa nahugno nga Aeon Mall.
Tungod sa linog nadamyos usab ang Nippon Paper Industries factory sa Yatsushiro
Hisayran nga miresulta ang kusog nga linog sa 12 ka balay ang nahugno, usa ka tulay ang naguba, daghang sunog ug landslide ang na-report, ug labaw sa 48,000 ka panimalay ang nawagtangan sa kuryente.
Nagpadayon pa sa paglusad sa damage assessment ang gobyerno sa Japan.
Una niini gireport usab sa United States Geological Survey nga anaa lamang sa 6.8 magnitude ang mitay-og sa Japan apan grabe ang impact kay mabaw ang episentro sa linog nga mitala sa 10 kilometros gikan sa yuta didto sa Kumamoto Prefecture, Kyushu Island, Japan
