“The story is great.”
Mao kini ang paghulagway ni aktor John Cena sa umaabot nga action film nga Matchbox, nga gibase sa sikat nga toy cars sa Mattel.
Matud niya, bisan pa sa iyang inisyal nga pagduda kon unsaon paghimo og pelikula gikan sa maong konsepto, nakurat siya nga ang istorya nagtutok sa mga higala nga nagbalik og koneksyon sa usag usa ug adunay gamayng elemento sa romansa.
Dugang pa niya, adunay dakong kasingkasing ang pelikula ug puno usab kini sa practical action ug dagkong stunt scenes.
Alang sa maong produksyon, gipasirad-an pa ang pipila ka mga freeway ug motorway sa Slovakia ug Morocco atol sa filming. (jane abulag)
