Nagpahayag sa pagsalig si Senador Erwin Tulfo kang Ombudsman Jesus Crispin “Boying” Remulla sa pagpasaka sa mga kaso batok sa mga opisyal nga posibleng nalambigit sa korapsyon ug mga iregularidad sa flood control projects.
Matud ni Tulfo, gisaligan niya ang Ombudsman sa patas nga pagdumala sa imbestigasyon ug pagpanubag sa mga responsable kung mapamatud-an ang ilang kalambigitan sa mga anomalya.
May kalabutan kini sa pahayag ni Presidente Ferdinand “Bongbong” Marcos Jr. sa iyang State of the Nation Address bahin sa pagpasaka sa kaso batok sa mga nalambigit sa maanomalyang flood control projects.
Lakip sa mga gihisgutan sa maong isyu si kanhi House Speaker Martin Romualdez, nga gilambigit sa mga alegasyon apan mipanghimakak sa bisan unsang kalambigitan.
Padayon ang imbestigasyon sa mga awtoridad aron matino ang mga ebidensya ug ang posibleng pagpasaka og kaso batok sa mga responsabli.
