Gipasiugda ni kanhi ACT Teachers Party-list Representative Antonio Tinio nga wala pa gihapon matubag ang dugay nang panawagan sa mga public school teachers alang sa makahulugang umento sa ilang sweldo, nga matod niya layo pa sa sweldo nga nadawat sa mga pulis ug sundalo.
Bisan pa sa gipahibalo sa gobyerno nga kapin 80,000 ka public school teachers ug school heads na ang napromote ubos sa Expanded Career Progression Program, matod ni Tinio nga daghan pa gihapong kwalipikadong magtutudlo ang wala mapromote.
Giingon niya nga bisan nakakompleto na ang daghan sa tanang gikinahanglang kwalipikasyon, napakyas gihapon ang ilang promosyon tungod sa kakulang sa pondo ug sa limitadong mga bakanteng posisyon.
Busa, nanawagan ang ACT Teachers Party-list nga dugangan ang alokasyon sa pondo aron mapromote ang tanang kwalipikadong magtutudlo ug madawat nila ang angay nilang ranggo ug sweldo. Giaghat usab sa grupo ang gobyerno nga himuong prayoridad ang pagsulbad niini aron matubag ang dugay nang mga panginahanglan sa mga public school teachers. (JANE ABULAG)
