Gisugdan sa FIFA ang kontrobersyal nga plano sa pagtukod wq bag-ong commercial nga kompanya nga adunay gibanabang $20 bilyon nga valuation aron dumalaon sa komersyal operation sa FIFA World Cup ug uban pang dagkong internasyonal nga torneyo.
Gitanyag sa organisasyon ang halos sa 20% nga minority stake sa maong kompanya ngadto sa mga pribadong investors aron makatigom og dugang pondo alang sa pagpalambo sa football.
Gisupak kini sa UEFA, nga nag-ingon nga ang pagdumala ug integridad sa football dili mahimong himuong negosyo o ibaligya ngadto sa mga pribadong mamumuhunan.
Gipasalig sa FIFA nga magpabilin gihapon niini ang bug-os nga kontrol sa pagdumala sa mga torneyo ug nga ang makolektang pondo gamiton alang sa mga programa sa football sa tanan nilang 211 ka miyembrong asosasyon sa tibuok kalibutan.
Gipaabot karon ang desisyon sa mga miyembrong asosasyon sa FIFA kon aprobahan ba ang maong plano.
