Mipahibalo ang South Korean boy group nga BTS nga dili sila mosumite sa entry alang sa Grammy Awards nga ipahigayon sa Pebrero sunod tuig, sumala sa ilang gipagawas nga hiniusang pahayag sa personal nilang social media accounts.
Matod sa grupo, gusto nila nga ang musika mailhan ug mahigugma-an base sa kalidad niini, ug dili tungod sa pinulongan o rehiyon diin kini naggikan.
Ang ilang desisyon miabot human ipahibalo sa Recording Academy ang bag-ong kategoryang Best Asian Pop Music Performance, nga nagpasidungog sa Asian pop music sama sa K-pop, J-pop, ug C-pop.
Bisan pa niini, nagpasalamat ang BTS sa padayon nga suporta sa ilang mga ARMY, samtang daghang fans usab ang mipadayag og pagsuporta sa ilang desisyon pinaagi sa social media. (riza budlao)
