Posibleng mobayad si Prince Harry ug uban pang mga iladong personalidad og minilyong British pounds sa legal fees human gibasura sa korte ang ilang privacy lawsuit batok sa publisher sa Daily Mail sa United Kingdom.
Sa pagdungog sa High Court sa London, gihangyo sa kampo sa Associated Newspapers nga bayran sa mga nagpasaka sa kaso ang dakong bahin sa ilang legal fees nga giingong miabot na sa £34.5 milyong British pounds.
Kauban ni Prince Harry sa napakyas nga kaso si Elton John ug lima pa ka personalidad, human gibasura sa korte ang ilang mga alegasyon nga naglakip sa giingong phone hacking ug uban pang paglapas sa privacy.
Samtang giingon sa kampo sa Associated Newspapers nga walay igo nga basehan ang mga alegasyon, miingon usab ang kampo ni Prince Harry nga sobra ang gipangayong legal fees ug mitanyag sila og £8 milyong British pounds isip paunang bayad. (riza budlao)
