Gipasabot ni Department of National Defense (DND) Secretary Gilbert Teodoro nga ang mga iligal lamang nga negosyo nga gipanag-iya o gikontrol sa mga Chinese ang ilang gipuntirya, samtang ang mga legal nga negosyo pasagdan nilang magpadayon sa operasyon.
Matud niya, ang labing giisip sa gobyerno mao ang kinaiya ug kalihokan sa negosyo, ug dili ang nasyonalidad sa mga nagdumala niini.
Gipatin-aw usab niya nga dili mahimong pasirad-an ang usa ka negosyo kung walay nalapas nga balaod.
Apan kung mapamatud-an nga adunay iligal nga kalihokan ug nagbutang sa risgo sa mga trabahante niini, pati na sa komunidad pinaagi sa makadaot nga chemical o posibleng radioactive nga materyales, kinahanglan kini nga aksyunan dayon sa gobyerno.
