Opisyal nga napili si Senador Imee Marcos isip Deputy Minority Leader sa Senado human walay misupak sa mosyon nga gisang-at ni Senate Minority Leader Alan Peter Cayetano atol sa sesyon niadtong Hulyo 29.
Giaprubahan usab sa Senado ang mga committee chairmanships nga gihatag sa pipila ka miyembro sa 11-ka miyembrong minority bloc, lakip ang ubang bag-ong committee assignments sa Senado.
Dugang pa, gipatin-aw usab ni Cayetano nga ang minority bloc dili kontra sa administrasyon ni Presidente Ferdinand Marcos Jr., ug matud niya, ang pagtudlo kang Imee Marcos maoy pamatuod niini.
Lakip sa mga bag-ong katungdanan ang pagtudlo usab kang Senador Vicente Sotto III isip chairperson sa Committee on Public Works ug kang Senador Jinggoy Estrada isip chairperson sa Committee on Electoral Reforms and People’s Participation.
