Gihangyo ni CAFETADA Taxi Federation President Bernie Jamaca ang suporta sa lokal ug nasyonal nga kagamhanan alang sa usa ka rent-to-own program sa mga taxi units nga compliant sa Electric Vehicle Industry Development Act (EVIDA).
Nanawagan si Jamaca ngadto kang Congressman Rufus Rodriguez, Congressman Maximo “Maxi” Rodriguez Jr., Congressman Bambi Emano, ug Congressman Lordan Suan bisan pa sa ilang nagkalain-laing political affiliations nga suportahan ang lokal nga transport industry ug ang mga transport associations, corporations, ug cooperatives.
Matod niya, kinahanglan tabangan ang mga lokal nga operators aron mapadayon ang ilang panginabuhian ug mapanalipdan ang lokal nga industriya sa transportasyon.
