“Ngitngit pa sa alkitran.”
Mao kini ang paghulagway ni kanhi Bayan Muna Representative Atty. Kaloi Zarate sa kahimtang sa pagbawi sa ill-gotten wealth nga gipasangil nga nakuha sa pamilyang Marcos.
Matud ni Zarate, gibana-banang mokabat sa $20 bilyon ang kinatibuk-ang kantidad sa maong bahandi, apan hangtod karon, mga $10 bilyon pa lamang ang nabawi sa gobyerno.
Gibutyag usab niya nga bisan pa og adunay mga biktima sa Martial Law nga nakadawat og kompensasyon gikan sa nabawing mga kabtangan, wala pa gihapon matubag ang ilang pagpangayo sa hustisya, tungod kay wala pa’y miyembro sa pamilyang Marcos nga napriso kalabot sa mga alegasyon sa paglapas sa tawhanong katungod.
