Gisaway ni House Prosecution Panel Member Terry Ridon ang Bise Presidente pinaagi sa pag-ingon nga aduna kini “violent mind” o bayolente nga pangutukan tungod sa padayong paghisgot sa mga hulga taliwala sa giatubang nga imbestigasyon.
Gipangutana sa magbabalaod kon ang gihisgotang P5,000 ba ang giisip nga kantidad sa kinabuhi sa Pangulo human sa giingong mga hulga nga gipagawas sa Bise Presidente batok sa Presidente ug sa pamilya niini.
Gidugang usab ni Ridon nga ang mga reklamo batok sa kanhi Presidente Rodrigo Duterte bahin sa gun violence ug extrajudicial killings (EJK) maayong nadokumento ug dili basihan lamang sa ordinaryong away sa pamilya.
Gipatin-aw niini nga ang liboan ka mga tawo nga namatay sa gipahigayon nga drug war ang nag-unang hinungdan kon nganong dako ang giatubang nga kaso ug imbestigasyon karon.
