Misaka pa sa 34 ka tawo ang patay sa pagtay-og sa magnitude 7.1 nga linog sa Kumamoto Prefecture, Japan.
Gibutyag ni BOMBO International News Correspondent to Japan – Rosalinda Gallardo nga hangtud karon, sirado pa ang tanang grocery stores karon sa Hikawa, nga usa sa grabe nga naapektuhan sa kusog nga linog tungod sa dakong kadaot nga nahabilin niini.
Sa eksklusibong interbyu sa Bombo Radyo, gipahayag ni Bombo international correspondent sa Kashima, Japan nga si Rosalinda Gallardo nga nag kakulang na usab sila sa suplay sa tubig ug kuryente tungod sa linog.
Gani ang iyang mga kauban sa trabaho nga nagpuyo sa Hikawa, gipabakwit sa ilang amo sa Kashima nga sakop sa Kumamoto Prefecture.
Sa maong lugar, adunay usab mga tindahan nga sirado ug ang limitado nga groceries makita lamang sa wala maguba nga bahin sa entrance sa AEON Mall.
