Gipadayon sa Estados Unidos ang ilang mga airstrike batok sa Iran human gikumpirma sa U.S. Central Command ang paglusad sa “heavy wave of strikes” isip tubag sa giingong missile attack sa Iran batok sa mga pwersa sa US sa Jordan.
Gipuntirya sa operasyon ang mga pasilidad sa Islamic Revolutionary Guard Corps o IRGC, lakip ang mga command center ug mga pasilidad sa missile ug drone, aron mapaluya ang kapasidad niini sa pag-atake.
Tungod niini, gipahimangnoan sa Pentagon ang tanang pwersa sa US sa Middle East nga magpabiling naka-alerto batok sa posibleng retaliatory strikes gikan sa Iran ug sa mga kaalyado niini.
Misaka usab ang kabalaka sa internasyonal nga komunidad nga mahimong mosamot ang tensyon sa rehiyon ug maapektuhan ang suplay ug presyo sa lana sa tibuok kalibutan.
Sa kasamtangan, nagpadayon ang panawagan sa United Nations ug sa ubang lider sa kalibutan nga magpugong ang duha ka panig aron malikayan ang mas dako pang krisis sa seguridad sa Middle East.
